برنامج القاهرة اليوم يوم الاربعاء 4/7/2012 - حلقة القاهرة اليوم 4-7-2012

الملف الشخصي · 07-04-2012 10:35 PM

برنامج القاهرة اليوم يوم الاربعاء 4/7/2012 - حلقة القاهرة اليوم 4-7-2012

برنامج القاهرة اليوم يوم الاربعاء 4/7/2012 - حلقة القاهرة اليوم 4-7-2012

الفقرة الاولى برنامج القاهرة اليوم يوم الاربعاء 4/7/2012 :

بدا عمرو اديب كلامه باننا فى الوقت الحالى كل المصريين يسالون مصر رايحة على قين وحال مصر بيتغير كل ساعة مش كل يوم او شهر وقال عمرو ناس كتيرة بتقول ان مصر حيحصل فيها انقلاب من الجيش وناس كتيرة مش عاجبها حال البلد دلوقتى ومستنين امتى مرسى يمشى ويجى غيره مع انه لسه ماشى وقال عمرو علم الثورات فى كل مكان يشيل طبقة وياتى مكانها بطبقة اخرى وقال عمرو هو السؤال المهم الان واللى يجب كلنا نفكر فيه هو مين اللى بيفكر للبلد هل هو قرار جموع الشعب ولا النخبة ؟ وقال عمرو معنى حكم جموع الشعب يعنى ان البلد حتتخلف وقال عمرو التيار الدينى الايام القادمة سيزيد وكل واحد عاوز يعمل حاجة حيعملها وقال عمرو احد الشخصيات السلفية الرسمية امس قال فى التلفزيون اننا اتفقنا مع الدكتور مرسى لا ياخذ ولا نائب قبطى ولا امراة وقال عمرو واحد جاى كمان يقولى ان لما تمشى مع امك او اختك او مراتك فى الشارع لازم يكون معاك ما يثبت انها مراتك او امك او غيرها وقال عمرو الناس دى بترجع بينا الى التخلف وتقييد الحريات وقال عمرو هى دى التجربة التركية او التونسية ده تجربتكم متخلفة بنت ستين كلب وقال عمرو احنا ماشين دلوقتى فى سكة لبنان وقال عمرو فى ناس بتقول احنا حنربيكم وقال عمرو وانا كمان اللى حيقرب ليا حربيه وقال عمرو مش علشان الحرية والعدالى كسبت يبقى تعمل اللى هى عوزاه لا تعمل اللى قالت لينا عليه غير كده لا ومش حنسمح وقال عمرو احنا كده داخلين على مزبلة فى كل شىء وانا مش ماشى وحفضل اقولكم كده لغاية ما تفوقوا ولو القوة بالعدد كل واحد يحشد انصاره ونشوف مين اللى حيكسب فى الاخر وقال عمرو المادة التانية فى الدستور متتغيرش ومتقربش للمسيحين والستات هو انتوا مبتجوش غير على الضعفة وقال عمرو قولوا لينا الحقيقة علشان نعرف من الاول وبلاش تقولوا حاجة وتعملوا حاجة تانية وقال عمرو الدين ده بينى وبين ربنا وانتا متدخلش بينى وبين ربنا وقال عمرو انتوا عاملين زى الحزب الوطنى يا اخوان هما كانوا بيجيبوا رئساء تحرير الجرائد وانهاردة مجلس الشورى بقى هو اللى حيجيب رئساء الجرائد وقال عمرو احنا داخلين على ايام سودة وقال عمرو يا اخوان الشعب اللى انتوا بتستخدموه دلوقتى باسم الدين بكره هو اللى حيوقعكم على الارض وقال عمرو يعنى ايه يا دكتور مرسى انك معندكش مين اللى حيمسك الوزارة امال فى مشروع النهضة وفين احلامكم ولا هى كلام وخلاص وقال عمرو للدكتور مرسى فين الراجل اللى قتل الشاب بتاع السويس وفين الدولة المدنية وفين مشروع النهضة وقال عمرو احنا رايحين للنهاية وقال عمرو انتا مش محتاج تكلم المصريين عن الدين فكل المصريين متدنين وكل المصريين بيصلوا ومتحجبين وبيصوموا وبيزكوا وكل حاجة فى الاسلام بنعملها يبقى اسلام ايه اللى انتا عاوز تطبقه ما احنا بنعمل كل شىء فى الاسلام وقال عمرو لمرسى انتا معاك بلد فيها كل المواصفات انها تبقى بلد عظيمة مش معقول انتا مش لاقى رئيس وزراء كل ده ده مصر مليانة خبرات هات رئيس وزراء من النظام السابق او الحالى او من الشباب بس هات واحد وخلصنا ومشى البلد وابدا بناء البلد بقى وقال عمرو هو انتوا كنتوا بتتكلموا كتير ولما مسكتوا الحكم اهو مش عاوزيين تتحركوا وتعملوا ليه ؟ ثم اخذ عمرو مكالمات المشاهدين للتعليق على احوال مصر الان

الفقرة الثانية برنامج القاهرة اليوم يوم الاربعاء 4/7/2012 :

استضاف عمرو دكتور محمد غنيم ونظرة شاملة على مصر وكيفية تطويرها

وسيتم وضع فيديوهات الحلقة بعد قليل باذن الله

وانتظرونا غدا باذن الله

ادارة سكيورتي العرب

المصدر : سوق العرب | معهد سكيورتى العرب | وظائف خالية - من قسم : اخبار مصر egypt news

المواضيع المحتمل أن تكون متشابهة .
اخر النهار يوم الاربعاء 1/5/2013 - برنامج اخر النهار ل محمود سعد 1-5-2013
برنامج زى الشمس 30-4-2013
برنامج بسمة أمل: الكذب 1/5/2013
برنامج النهار .. ده: هيا نستقبل رمضان 1-5-2013
برنامج بلدنا بالمصرى يوم الاربعاء 1/5/2013 - بلدنا بالمصرى ل ريم ماجد 1-5-2013
برنامج مانشيت: كشف لغز رسالة التهديد الأخيرة لـ رضا هلال 1/5/2013
برنامج النهار .. ده: أهمية العلاج الطبيعي 30-4-2013
برنامج مانشيت : أزمة ضباط الشرطة المختطفين في سيناء 30/4/2013
برنامج زلطة شو: زلطة THE VOICE 30/4/2013
برنامج مانشيت: وثيقة خطيرة .. قطر تشتري معلومات الأمن القومي 22/4/2013