قصيدة مفيش دليل لكل ام شهيد

مفيش دليل هى مجموعة من الكلمات موجه لكل من باع ضميره من اجل نظام مبارك مفيش دليل كلمات لكل من وقف فى وجع ثورة 25 يناير واضاع حق الشهداء

مفيش دليل ؟؟؟؟؟

أنا الدليل ..
أنا الدم اللى سال ع الأرض
ما استكفِـت ..
أنا العين اللى صابها الغدر
و اتصفِّـت ..
أنا الأم اللى حرقوا فؤادها ع الغالى
و لبست شال محنِّى بدمه و اتدفِّـت ..

أنا الدليل ..
أنا المخنوق ب سم الغاز على الكوبرى ..
أنا المضروب ب مِية خرطوش على ضهرى ..
أنا اللى العمر راح محنة ورا محنة ..
و قلت شاريكى ولا مرة نفَد صبرى ..
...