عجمي للشاعر الدكتور صلاح عبد الله

الملف الشخصي · 03-02-2012 01:18 AM

عجمي للشاعر الدكتور صلاح عبد الله

السلام عليكم ورحمة الله وبركاته :

عجمي للشاعر الدكتور صلاح عبد الله

هذه الكلمات نشرها الشاعر صلاح عبد الله على صفحته على موقع التواصل الاجتماعى الفيس بوك فقال :

عجمي.
تصدق إن عجمي مات؟..
وموته ماهوش خبر يتقال..
ولا قصة بتستاهل من إلي بيسمعوها سؤال..
دي كلمة يادوب بننطقها..
كأن الناس كانت شايلة له كلمة مات، ومنتظرين يحققها..
وكان عجمي تمام زي الزمن، مالهوش ولا ريحة ولا ألوان..
ما تعرفش إنه كان غايب ومخفي إلا لما يبان..
عشان كدا عمري ما أستغرب، لو أسمع إن اسمه في البطاقة سبت ولا تلات..
تصدق إن عجمي مات؟..
ولما قالوا لي إنه مات لقيت قلبي ولا موزون ولا طايش..
حقيقي، أنا اتفاجئت بإنه مات ولا إنه كان عايش؟..
وكان عجمي عيون دبلانة ساعة الصبح تلقى الفقر كحلها..
وكان –مع إنه مش موجود- حياة بحالها..
تشوف ضله على حيطة بيبنيها، تشوف ضله في بلاعة يسلكها..
وعجمي مراة مراته، وهو نفسه حاجة ضمن حاجات بيملكها..
عشان كدا يوم ما مات عجمي، ولا سألت عليه دنيا ولا اجتمعت عليه لمات..
تصدق إن عجمي مات؟..
وكان عجمي ساعة ما ينام، تنام أحلامه من قبله..
ولما الصبح يفتح بابه، همه ورزقه يتقابلوا..
يقوم من نومه يلبس هدمته وعرقه..
ولا يحَلَّق على بكرة، ولا يجري ورا سنينه لو انسرقوا..
وكان عجمي مالوش زينة غير الصبح إلي بيفتح في نوره عنيه..
ولا صوت يطربه في الدنيا غير حك الجنيه في جنيه..
عشان ما بين جنيه وجنيه، بتطرح لقمته الدافية..
وليل مهدود هايتبسم له بالعافية..
وبعديها تلاقي ملامحه تتجمد، ولا تقول خد، ولا تقول هات..
تصدق إن عجمي مات؟..

ادارة سكيورتي العرب

المصدر : معهد سكيورتي العرب | وظائف خالية - من قسم : المواضيع العامة - القسم العام - General Topics

المواضيع المحتمل أن تكون متشابهة .
كيف بني الفراعنة الاهرامات لغز حير العلماء الله يخبرنا بالسر كيف بنيت
قصيدة الى الرئيس - للشاعر الدكتور صلاح عبد الله
قصيدة ردا على اخر تصريحات الدكتور هشام قنديل
صورة تكشف الفضيحة الكبرى قطر مولت الفلم المسيء لرسول الله (ص)
من معجزات الله فى اسمائنا
اول سقطة رسمية للرئيس الدكتور محمد مرسى
مبارك يبكى اثناء دخوله سجن طره ويقول خدمت البلد حسبى الله ونعم الوكيل
فضائح الشيخ حازم صلاح ابو اسماعيل
قصيدة بركاتك يا شيخ حزوم للعبقري صلاح عبدالله
الدكتور عبد المنعم ابو الفتوح وتضارب المواقف السياسية