سوق العرب | معهد سكيورتى العرب | وظائف خالية

قصيدة مفيش دليل لكل ام شهيد

مفيش دليل هى مجموعة من الكلمات موجه لكل من باع ضميره من اجل نظام مبارك مفيش دليل كلمات لكل من وقف فى وجع ثورة 25 يناير واضاع حق الشهداء

مفيش دليل ؟؟؟؟؟

أنا الدليل ..
أنا الدم اللى سال ع الأرض
ما استكفِـت ..
أنا العين اللى صابها الغدر
و اتصفِّـت ..
أنا الأم اللى حرقوا فؤادها ع الغالى
و لبست شال محنِّى بدمه و اتدفِّـت ..

أنا الدليل ..
أنا المخنوق ب سم الغاز على الكوبرى ..
أنا المضروب ب مِية خرطوش على ضهرى ..
أنا اللى العمر راح محنة ورا محنة ..
و قلت شاريكى ولا مرة نفَد صبرى ..

أنا المجنى عليه و اليوم بقيت جانى ..
واللى قتلنى برئ و عيونه ناكرانى ..
خرجوا الديابة من القفص أحرااااار ...
و انا اللى لسه سجين محبوس ف أكفانى ..

يا نكسة كات ف التاريخ و اليوم بقِت وكسة ..
يا قلوب و متلونة بالغدر و الخِســة ..
لو كنتوا فاكرين حلمنا ممكن يموت ..
متفرحووووووووووش ..

نـــار القصاص و الدم هتشتعل لســه

لـ الشاعرة : دعاء عبد الوهاب ..

ادارة سكيورتي العرب

المصدر : معهد سكيورتي العرب | وظائف خالية - من قسم : المواضيع العامة - القسم العام - General Topics

سوق العرب | معهد سكيورتى العرب | وظائف خالية

dr.wolf