سوق العرب | معهد سكيورتى العرب | وظائف خالية

نسخة كاملة: برنامج القاهرة اليوم يوم الاربعاء 30/5/2012 - حلقة القاهرة اليوم 30-5-2012
أنت حالياً تتصفح نسخة خفيفة من المنتدى . مشاهدة نسخة كاملة مع جميع الأشكال الجمالية.
السلام عليكم ورحمة الله وبركاته :

برنامج القاهرة اليوم يوم الاربعاء 30/5/2012 - حلقة القاهرة اليوم 30-5-2012


الفقرة الاولى برنامج القاهرة اليوم يوم الاربعاء 30/5/2012 :

بدا محمد شردى كلامه بالحديث عن ان بكره اخر يوم فى العمل بقانون الطوارىء فى مصر وقال محمد ان المجلس العسكرى قال ان البرلمان المصرى الان هو الذى له الحق فى المد بالعمل بقانون الطوارىء ام لا وقال محمد حتى الان مجلس الشعب المصرى لم يصل له بعد خطاب يطلب منه بمد فترة الطوارىء من الحكومة وقال محمد ده ياترا معناه ايه معناه ان الحكومة مش شايفة ان فى مشاكل امنية فى مصر وان الوضع هادىء فى مصر علشان كده مش محتاجين قانون الطوارىء ومش حنمده.

بدا عمرو اديب كلامه بالحديث عن ان هذه البلد ملهاش صاحب وان اللى بيحصل فى محطات البنزين من ضرب وشتايم وخناقات يدل على ان البلد ملهاش صاحب ولا حد عاوز يحل المشكلة وقال عمرو مدوا قانون الوارىء لمدة شهر فيها ايه يعنى وقال عمرو كله دلوقتى بيرمى المسؤولية على التانى ومفيش سلطة عاوزة تتحمل مسئولية البلد وقال عمرو ايه حكاية النور اللى بيتقطع كل شوية والناس اللى عندها مذاكرة حتذاكر ازاى والنار عمال يتقطع وقال عمرو هو الرئيس لما يجى حيحل كل مشاكل الدولة ازاى ؟ وقال عمرو فى ناس بدات تهج فعلا من البلد واللى بيحصل فيها مع ان الشعب المصرى اكتر شعب بيستحمل فى العالم وقال عمرو كل جهة بترمى السلطة على الجهة التانية وكل مسئول بيلبس المسئولية للمسئول اللى جاى بعده وقال عمرو هل وجود القوات المسلحة فى الشارع له علاقة بقانون الطوارىء وقال عمرو انا ضد قانون الطوارىء وقال عمرو كل واحد بيعمل اللى هو عاوزه وقال عمرو الناس واقفة فى الطوابير بتسب وتلعن فى البرلمان والمجلس العسكرى والحكومة وكله علشان الناس كفرت بصراحة ومحدش عاوز يفهمنا ايه السبب فى المشاكل والطوابير دى ثم استقبل عمرو اديب ومحمد شردى مكالمة من غراب وزير البترول للحديث عن مشكلة ازمة البنزين ثم اخذ عمرو مكالمة هاتفية من النائب مصطفى بكري للحديث عن مشكلة حالة الطوارىء ومدها ثم عرض عمرو فيديو لرد الكتاتنى على احد النواب يطلب مد قانون الطوارىء وقال عمرو احنا عاوزين المسؤولين يعملوا لمصلحة البلد ميخفوش على شكلهم او من اللى حيهاجموهم وقال عمرو انا زهقت ان مفيش حد مسؤول بيرد علينا فى اى حاجة ولا حد خايف على مصلحة البلد وحرام اللى انتوا بتعملوه فى مصر والناس وقال عمرو ارحموا الناس يرحموكم ربنا ثم اخذ عمرو مكالمة هاتفية من اللواء ووزير الداخلية الاسبق رشدى ثم تكلم عمرو ومحمد شردى عن احالة النائب العام لعلاء وجمال مبارك للمحكمة .


الفقرة الثانية برنامج القاهرة اليوم يوم الاربعاء 30/5/2012 :

قام عمرو ومحمد شردى بعمل فقرة اخبار لها معنى وفقرة ال under ground


الفقرة الثالثة برنامج القاهرة اليوم يوم الاربعاء 30/5/2012 :

فقرة الحديث عن محاكمة مبارك يوم السبت واستضاف عمرو اديب ومحمد شردى كلام من أ . ثروت شلبى الكاتب الصحفى و المحرر القضائى و أ . خالد أبو بكر المحامى و أ . مجدى حافظ المحامى


لمشاهدة الحلقة فيديو :










وانتظرونا غدا باذن الله

ادارة سكيورتي العرب





روابط المرجعيات